အာတီတာရဲ့စွန့်စားမှုအမှန်ကန်ဆုံးဖြစ်သွားခဲ့တဲ့ဂိုးသမားအပြောင်းအလဲ

on


အာတီတာရဲ့စွန့်စားမှုအမှန်ကန်ဆုံးဖြစ်သွားခဲ့တဲ့ဂိုးသမားအပြောင်းအလဲ


အာရွန် ရမ်းစ်ဒေးလ်နေရာမှာ ဒေးဗစ်ရာယာ ကို အစားထိုးခဲ့တာဟာ အာတီတာ ချမှတ်ခဲ့သမျှ ဆုံးဖြတ်ချက်တွေထဲမှာ အကောင်းဆုံး ဖြစ်လာလိမ့်မယ်လို့ အစက ဘယ်သူမှ မထင်ခဲ့ကြပါဘူး။
၂၀၂၃ ခုနှစ်တုန်းက အခြေအနေကို ပြန်ကြည့်ရအောင်။ အာတီတာက ရမ်းစ်ဒေးလ်ကို ချန်လှပ်ပြီး ဘရန့်ဖို့ဒ်က အငှားဂိုးသမားတစ်ယောက်ကို အစားထိုးလိုက်တဲ့အချိန်မှာ အာဆင်နယ်ဖန်တို့အားလုံး ရူးချင်စိတ်တောင် ပေါက်ခဲ့ကြပါတယ်။ ရမ်းစ်ဒေးလ်ဟာ ဂိုးသမားတစ်ယောက်ဆီက လိုချင်တဲ့ အချက်အလက်တွေ အကုန်ရှိတဲ့သူပါ။ စိတ်အားထက်သန်မှုရှိတယ်၊ အော်ဟစ်ညွှန်ကြားတတ်တယ်၊ အမ်မရိတ်ကွင်းကြီး တစ်ခုလုံး မတ်တတ်ရပ် အားပေးရလောက်တဲ့ လက်စွမ်းပြ ကာကွယ်မှုတွေ လုပ်ပြခဲ့တဲ့သူပါ။ ဒါပေမဲ့ အာတီတာကတော့ သူ့ကို ဘေးဖယ်ခဲ့ပါတယ်။

ရမ်းစ်ဒေးလ်ဟာ Shot stopper ကောင်းတစ်ယောက် ဖြစ်ပေမဲ့ ရာယာကတော့ ကွဲပြားတဲ့ ပုံစံမျိုးပါ။ သူဟာ ဧရိယာပြင်ပအထိ ထွက်ကစားပေးနိုင်တယ် ဘောလုံးပေးပို့မှု ကောင်းတယ်၊ ပြိုင်ဘက်ရဲ့ ဖိအားပေးမှုကို စက္ကန့်ပိုင်းအတွင်းမှာတင် ပြန်လည် တိုက်စစ်ဆင်မှုအဖြစ် ပြောင်းလဲပစ်နိုင်ပါတယ်။ အာဆင်နယ်ရဲ့ ကစားဟန်ဖြစ်တဲ့ ခံစစ်တန်းကို မြှင့်တင်ကစားတာ၊ ပြိုင်ဘက်ကို အတင်းဖိအားပေးတာနဲ့ နောက်တန်းကနေ တည်ဆောက်ကစားတာတွေဟာ ကစားကွက်ထဲမှာ တစ်စိတ်တစ်ပိုင်းအဖြစ် ပါဝင်မနေတဲ့ ဂိုးသမားမျိုးနဲ့ဆိုရင် မဖြစ်နိုင်ပါဘူး။ ရမ်းစ်ဒေးလ်ဟာ အရည်အချင်းရှိပေမဲ့ ဒီလိုကစားဟန်မျိုးအတွက်တော့ မကိုက်ညီခဲ့ပါဘူး။
အခု ရလဒ်တွေကို ကြည့်ရအောင်။ ရာယာဟာ (၃) ရာသီဆက်တိုက် ရွှေလက်အိတ်ဆု ရခဲ့သလို၊ ဒီရာသီ တစ်ခုတည်းမှာတင် Clean Sheets (၁၉) ပွဲအထိ ရထားပါတယ်။ ပြီးခဲ့တဲ့ (၂) နှစ်အတွင်း ချန်ပီယံလိဂ်မှာဆိုရင် သူဟာ မျှော်မှန်းဂိုး (Expected Goals) ၉ ဂိုးထက်မကကို ကိုယ်တိုင် ကာကွယ်ပေးနိုင်ခဲ့ပါတယ်။ ဥရောပက ဘယ်ဂိုးသမားမှ သူ့အနားတောင် မကပ်နိုင်ပါဘူး။၂၀၂၃ ခုနှစ်က အဲ့ဒီဂိုးသမား အပြောင်းအလဲဟာ အောင်မြင်မှုရဲ့ အစပျိုးရာ အခိုက်အတန့် ဖြစ်လာခဲ့ပါပြီ။

Comments

Post a Comment