အာဆင်နယ်ရဲ့ ဒဏ်ရာရစာရင်း မြင့်တက်လာမှုအပေါ် အာတီတာ စိုးရိမ်

 အာဆင်နယ်ရဲ့ ဒဏ်ရာရစာရင်း မြင့်တက်လာမှုအပေါ် အာတီတာ စိုးရိမ်

YGN TH, Myanmar Game Streamer,  Trusted Game Site Myanmar (ယုံကြည်စိတ်ချရသော ဂိမ်းဆိုက်), YGN Slot, Online Slot Myanmar, Streamer Big Win, Real Money Gaming, Football Betting Myanmar, Malay Odds (မလေးကြေး), Mix Parlay Myanmar (ဘောလုံးမောင်း, Body Betting (ဘောလုံးဘော်ဒီ), Online Betting Website, High Odds, Live Betting ‌

အာဆင်နယ်အသင်းရဲ့ ဒဏ်ရာရကစားသမားစာရင်း မြင့်တက်လာမှုက ဖလားလေးလုံးကြိုးပမ်းမှုအပေါ် ထိခိုက်မှာကို အာတီတာ စိုးရိမ်နေပါတယ်။

အာတီတာရဲ့ အသင်းဟာ ပြီးခဲ့တဲ့ တနင်္ဂနွေနေ့က အမ်မရိတ်မှာ ဝီဂန်အသင်းကို ၄-၀ ဂိုးနဲ့ အနိုင်ယူပြီး အက်ဖ်အေဖလားပဉ္စမအဆင့်ကို တက်လှမ်းနိုင်ခဲ့ပါတယ်။

ဒါပေမဲ့ လိဂ်ဝမ်းကလပ်ကို ဂန်းနားတို့ ဂိုးပြတ် အနိုင်ရခဲ့ပေမဲ့ ရစ်ကာဒို ကာလာဖီယိုရီ နဲ့ ဘန်ဝှိုက်တို့ ဒဏ်ရာရရှိတာကြောင့် စိတ်ပျက်ခဲ့ရပါတယ်။

အီတလီနောက်ခံလူ ကာလာဖီယိုရီဟာ သွေးပူလေ့ကျင့်ခန်းအစီအစဉ်မှာ ဒဏ်ရာရခဲ့လို့ မကစားနိုင်သလို၊ ညာနောက်ခံလူ ဘန်ဝှိုက်ကလည်း လူစားလဲခံခဲ့ရပါတယ်။

အာဆင်နယ်အသင်းခေါင်းဆောင် မာတင် အိုဒီဂတ်ဟာလည်း ပြီးခဲ့တဲ့ ကြာသပတေးနေ့ ဘရန့်ဖို့ဒ်နဲ့ ၁-၁ သရေကျခဲ့တဲ့ပွဲမှာ ဒဏ်ရာရသွားခဲ့လို့ ဝီဂန်နဲ့ပွဲစဉ်ကို လွဲချော်ခဲ့ပါတယ်။ 

ဒါ့အပြင် ဂျာမနီတိုက်စစ်မှူး ကိုင်ဟာဗက်ဇ်ကလည်း အနည်းဆုံး ဒီလကုန်အထိ နားရမှာဖြစ်ပြီး စပိန်ကွင်းလယ်လူ မီကယ် မီရီနိုကတော့ ခြေထောက်ခွဲစိတ်မှု ခံယူထားရတာကြောင့် ရာသီကုန်အထိ အနားယူရတော့မှာ ဖြစ်ပါတယ်။

အာဆင်နယ်ဟာ ပရီးမီးယားလိဂ်မှာ ထိပ်ဆုံးက ဦးဆောင်နေသလို၊ ချန်ပီယံလိဂ် ၁၆ သင်းအဆင့်ကိုလည်း တက်လှမ်းထားပြီး ကာရာဘောင်ဖလား (League Cup) ဗိုလ်လုပွဲမှာလည်း မန်စီးတီးနဲ့ ရင်ဆိုင်ရဖို့ ရှိနေတာကြောင့် အခုလို ကြံ့ခိုင်မှုပြဿနာတွေဟာ စိုးရိမ်စရာဖြစ်လာပြီလို့ အာတီတာက ဝန်ခံခဲ့ပါတယ်။

“ဟုတ်ပါတယ်။ ဒဏ်ရာရတာတွေ များလာတယ်။ အရင်က တိုက်စစ်မှူးတွေ၊ နောက်တော့ ခံစစ်သမားတွေ၊ အခု ကွင်းလယ်လူတွေ ဖြစ်လာပါပြီ။”လို့ သူက ပြောပါတယ်။

“ကျွန်တော်တို့ အဲဒါကို ကိုင်တွယ်ဖြေရှင်းနေပါတယ်။ ဒါပေမဲ့ ကစားသမားတချို့ ပြန်ကောင်းလာပြီး ကြံ့ခိုင်မှုပြည့်ဝဖို့ လိုအပ်ပါတယ်။ ကစားသမားအရေအတွက် သာမက ကျွန်တော်တို့  ပြိုင်ဘက်တွေနဲ့ နှိုင်းယှဉ်ရင် မတူညီတဲ့ ရွေးချယ်စရာတွေအတွက်ပါ။ ဒီတော့ သူတို့ မြန်မြန်ပြန်လာလေ ပိုကောင်းလေပါပဲ။”

ပရီးမီးယားလိဂ် ထိပ်ကနေ လေးမှတ်ဖြတ်ဦးဆောင်နေတဲ့ အာဆင်နယ်ဟာ လာမယ့်ဗုဒ္ဓဟူးနေ့  မိုလီနပ်စ်မှာ ဇယားအောက်ခြေက ဝုလ်ဗ်အသင်းနဲ့ ရင်ဆိုင်ရမှာဖြစ်ပြီး၊ အဲ့ဒီနောက် လာမယ့်သီတင်းပတ်ကုန်မှာတော့ စပါးအသင်းနဲ့ မြောက်လန်ဒန်ဒါဘီ ပွဲစဉ် ကစားရမှာပါ။

ဝီဂန်နဲ့ပွဲမှာတော့ အာဆင်နယ်ဟာ ပွဲအစပိုင်း ၂၇ မိနစ်အတွင်းမှာတင် နိုနီ မာဒူအေကီ၊ ဂါဘရီယယ် မာတင်နယ်လီ၊ ဂျက်ဟန့်တ်ရဲ့ ကိုယ့်ဂိုးကိုယ်သွင်းမှုနဲ့ ဂါဘရီယယ် ဂျီးဆပ်စ်တို့ရဲ့ ဂိုးတွေကြောင့် အရေးပါတဲ့ ရက်သတ္တပတ်အတွက် အကောင်းဆုံးပြင်ဆင်နိုင်ခဲ့ပါတယ်။

ပြီးခဲ့တဲ့နှစ်က ခရစ္စတယ်ပဲလေ့စ်ကနေ ပြောင်းရွှေ့လာတဲ့ အီဘရီချီ အီဇီဟာ ဒီရာသီမှာ ခြေစွမ်းပိုင်း အားနည်းမှုကြောင့် ဝေဖန်မှုတွေနဲ့ ရင်ဆိုင်နေရသူပါ။

အင်္ဂလန်ကွင်းလယ်လူဟာ ဘရန့်ဖို့ဒ်နဲ့ပွဲမှာ နှစ်လအတွင်း ပထမဆုံးအကြိမ် ပွဲထွက်ခွင့်ရခဲ့ပေမဲ့ ပထမပိုင်းအပြီးမှာတင် လူစားလဲခံခဲ့ရပါတယ်။

ဒါပေမဲ့ ဝီဂန်နဲ့ပွဲမှာတော့ သူဟာ ဂိုးဖန်တီးမှု နှစ်ကြိမ် ပြုလုပ်နိုင်ခဲ့ပြီး အာဆင်နယ်က ဘာကြောင့် သူ့ကို ခေါ်ယူခဲ့တယ်ဆိုတဲ့ အရည်အသွေးကို ပြသနိုင်ခဲ့ပါတယ်။

“ဒီလိုကစားသမားတွေအတွက် အခုလို အခိုက်အတန့်တွေ လိုအပ်ပါတယ်။ ကျွန်တော်တို့တွေ အထူးသဖြင့် ဖန်တီးနိုင်စွမ်းအားကောင်းတဲ့ ကစားသမားတွေအကြောင်း ပြောကြတဲ့အခါ သူတို့ဟာ ဒီလိုအခိုက်အတန့်တွေကို စွမ်းဆောင်ပေးနေပြီလို့ ခံစားမိဖို့ လိုပါတယ်။”လို့ အာတီတာက ပြောပါတယ်။

“ကျွန်တော် ဒါကို အရမ်းကျေနပ်မိပါတယ်။ ဒါဟာ စိတ်ဓာတ်ပိုင်းနဲ့ ယုံကြည်မှုအတွက် တကယ်ကို ကောင်းမွန်တဲ့အချက်ပါ။“သူ တိုက်စစ်ဇုန်အတွင်းမှာ စွန့်စားပြီး ကစားသွားတာတွေနဲ့ ဂိုးကန်သွင်းဖို့ ကြိုးစားခဲ့တာတွေဟာ တကယ့်ကို အပေါင်းလက္ခဏာဆောင်ပါတယ်။ ဒါက ကျွန်တော်တို့ သူ့ဆီက လိုချင်တဲ့ အရာပါပဲ။”

previous Post - ဘရားဇီးဂိုးသွင်းစက်ကို ဘရန်းဖို့ဒ် စာချုပ်သက်တမ်းတိုး

ကိုယ့်ဆေးကိုယ်ပြန်သောက်ရလို့ အာဆင်နယ်ကတော့ မကျေမနပ်ဖြစ်နေ

အပြာရောင်ရင်ခွင်လေးထဲ ကာဂါ၀ါ ခိုနားခဲ့ဖူးတယ်

ထိုင်းရောက်မြန်မာသတင်းများဖတ်ရန်

ထိုင်းရောက်ရွှေမြန်မာတို့အတွက် ယုံကြည်စိတ်ချရတဲ့ ဂိမ်းဆိုက်မှာဂိမ်းကစားချင်ပါက